搞錯呀!!!!!!!
打完篇文諗住貼既時候話我未登入!!!
成篇文無晒又要打過!!!!
===================================================
>>BILLbillbb 純粹只係同好, 呢度咁少人, 我都唔記得左呢度了
>>泰子 師匠??
===================================================
本人素來鍾意食辣, 經常港九新界周圍走搵辣野食
今次去食既係呢間 - 傷心酸辣粉 (總店)
所食既係 B餐 : 酸辣粉 + 麻辣肚絲 + 椰汁
呢間舖頭都係有分 大 / 中/ 小辣
客人可以根據喜好加辣, 加麻, 加酸
事實上呢間野小弟已經食過
只不過因為咁啱去左深水埗, 又唔想食譚仔
又想過辣癮, 所以先食呢間
上次係去食酸辣粉(大辣) + 麻辣豬耳 + 椰汁
不過最後都係俾我話個老闆D野唔夠辣
因為大辣已經試過
今次都係叫menu無既"勁辣"
叫野食果陣發生左後小插曲
當坐低決定左食咩既時候
伙計 : 食咩
我 : B餐唔該
伙計 : 飲咩要咩辣
我 : 飲椰汁, 總之要夠辣既
伙計 : 中辣?
我 : 唔夠
伙計 : 大辣?
我 : 食過無料到
伙計 : 咁勁辣啦
我 : 係夠勁至好
叫完野食, 坐我對面位阿叔出聲了
阿叔 : 我都係叫大辣, 即管睇係勁辣咩野樣
(野食到了)
阿叔 : 原來勁辣都係紅多果少少
我 : o係香港食辣野都係咁架啦, 就住就住
阿叔 : 係囉, 食辣野都係返大陸好
我 : 深圳都夠晒啦~
阿叔 : 好, 我都食完啦, o靚仔你係得既, 走先
我 : bye
以下為評分 (10★為滿分)
色 : ★★★★★★★★★☆
香 : ★★★★★★★★☆☆
味 : ★★★★★★★★☆☆
辣 : ★★★★★★☆☆☆☆
先講碗酸辣粉,
因為食過大辣既關係
所以本身對勁辣都無咩期望
不過當食落口就知出左(少少)事了
黎食過既朋友都知
呢間野既酸辣粉上面層油都幾厚的
咁既然咁大層油, 食物既保暖程度都唔會差
由我開始食到食完碗野都仲暖
所以都食到我出左少少汗
不過當然啦, 辣既程度就唔係話特別犀利
不過值得一提既係佢既酸, 又酸又辣真係幾過癮
搞到我眼眶都差d標眼水出黎
不過事實上, 我覺得呢間野既酸辣粉退步左
可能分店開多左出名左所以差左啦
d粉太韌, 以前食都叫做正, 果時一間分店都未有
果時d粉先叫食得過
再講麻辣肚絲,
同麻辣豬耳一樣咁正,
不過當然, 你唔好期待佢太辣
應該話太辣的話就會唔好食
最後係杯椰汁,
不過不失啦, 我就覺得一般了
不過食完辣野飲杯椰汁就真係過癮
解辣一流
最後找數 $36, 可以接受
共用紙巾 : 1張 (抹嘴+鼻水+汗=1張)
|
